वर्षाका कारण भारत–पाकको खेल १० ओभर अगाडि रोकियो (भिडियो)

भारत र पाकिस्तानबीच च्याम्पियन्स ट्रफीको खेल वर्षाका कारण रोकिएको छ। ९ दशमलव ५ ओभरको खेल हुँदा बर्मिङ्घमको एडबस्टनमा पानी पर्न थालेपछि खेल रोकिएको हो। यसअघि भारतले टस हारेर पहिलो ब्याटिङ गर्ने क्रममा विना कुनै विकेट ४६ रन बनाएको छ।

भारतका दुई प्रारम्भिक ब्याट्सम्यान शिखर धवन र रोहित शर्मा अविजित छन्। रोहित ४ चौका लगाएर २४ रन बनाउदै अविजित छन भने शिखरले १ चौका हिर्काएर २० रन बनाएका छन्।