भारतीय टोली बसेको होटलमा कडा सुरक्षा व्यवस्था

गएराती लन्डनमा भएको आतंकवादी आक्रमणका कारण भारतीय टोलीको सुरक्षा दोब्बर गरिएको छ। शनिवार राती लन्डनमा भएको आक्रमणमा ६ जनाको हत्या भएको थियो। लन्डन प्रहरीले घटनाका अभियुक्त ३ जनालाई मारेको छ।

घटना लगत्तै भारतीय टोली बसेको होटलको सुरक्षा कडा पारिएको थियो। होटलमा बाहिरी व्यक्तिलाई प्रवेश गर्न रोक लगाइएको छ। घटना भएको स्थान र भारतीय टिम बसेको होटलको दुरी २ सय किमी रहे पनि कुनै घटना नहोस भनेर सुरक्षा प्रबन्ध कडा पारिएको बताइएको छ।