तमिम र मुस्फिकरले बनाए एसियाबाहिर सर्वाधिक रनको साझेदारी

तमिम इक्बाल र मुस्फिकर रहिमको जोडीले एसियाभन्दा बाहिर एकदिवसीय क्रिकेटमा सर्वाधिक रनको साझेदारी गर्ने कीर्तिमान बनाएको छ।

यी दुई बंगाली ब्याट्सम्यानले हाल बेलायतको ओवलमा भइरहेको च्याम्पियन्स ट्रफीको पहिलो खेलमा अविजित १ सय ५० रनको साझेदारी गरेका छन्। यसअघि २०१५ को विश्व कपमा एडिलेटमा मुस्फिकर र महमदुल्लाको जोडीले १ सय ४१ रनको साझेदारी गरेको थियो।

बंगलादेशले ४२ ओभरमा २ विकेटको क्षतिमा २ सय ४१ रन बनाएको छ।