वर्षापछि खेल पुनः सुरू भएको छ, ओभर घटाइएन

वर्षाका कारण रोकिएको भारत र पाकिस्तानबीच च्याम्पियन्स ट्रफीको खेल फेरि सुरू भएको छ। ९ दशमलव ५ ओभरको खेल हुँदा बर्मिङ्घमको एडबस्टनमा पानी पर्न थालेपछि खेल रोकिएको थियो। यसअघि भारतले टस हारेर पहिलो ब्याटिङ गर्ने क्रममा विना कुनै विकेट ४६ रन बनाएको छ।

भारतका दुई प्रारम्भिक ब्याट्सम्यान शिखर धवन र रोहित शर्मा अविजित छन्। रोहित ४ चौका लगाएर २५ रन बनाउदै अविजित छन् भने शिखरले १ चौका हिर्काएर २० रन बनाएका छन्। वर्षाले ४५ मिनेट प्रभावित भएको खेलमा कुनै ओभर घटाइएको छैन।