तमिमको इङ्ल्यान्डविरुद्ध सतक (भिडियो)

तमिम इक्बालले च्याम्पियन्स ट्रफीअन्तर्गत इङ्ल्यान्डविरुद्ध पहिलो खेलमै सतक पुरा गरेका छन्। उनले १ सय २४ बल खेल्ने क्रममा १ छक्का र ११ चौकाको सहयोगले सतक पुरा गरेका हुन्।

तमिमको एकदिवसीयमा यो नवौं सतक थियो। उनी च्याम्पियन्स ट्रफीमा सतक बनाउने दोस्रो बंगलादेशी ब्याट्सम्यान बन्न पुगेका छन्। उनले २०१५ को विश्व कप क्रिकेटपछि २८ इनिङमा ५ वटा सतक पुरा गरिसकेका छन्।

उनी ओवलमा इङ्ल्यान्डविरुद्ध सतक पुरा गर्ने चौथो विदेशी खेलाडी हुन्। उनको उत्कृष्ट ब्याटिङका कारण बंगलादेशले ४० ओभरमा २ विकेट मात्र गुमाएर २ सय २३ रन बनाइसकेको छ।