अमलाले तोडे विराट कोहलीको कीर्तिमान

दक्षिण अफ्रिकी ब्याट्सम्यान हासिम अमलाले एकदिवसीय क्रिकेटमा छिटो ७ हजार रन बनाउने भारतीय कप्तान विराट कोहलीको कीर्तिमानलाई भंग गरेका छन्।

अमलाले इङ्ल्यान्डविरुद्ध २३ रन बनाउने क्रममा एकदिवसीयमा ७ हजार रन पुरा गरेका हुन्। उनले यसका लागि १ सय ६० इनिङ मात्र खेल्नु पर्यो। विराटले ७ हजार रन पुरा गर्न १ सय ६१ इनिङ खेलेका थिए।

अमलाले यसअघि विराटको सबैभन्दा छिटो ६ हजार रन बनाउने कीर्तिमान पनि भंग गरेका थिए। अमलाको नाममा २, ३, ४, ५ हजार रन छिटो पुरा गर्ने कीर्तिमान पनि छ।